Рӯзи 7 сентябр дар Варзишгоҳи марказии ноҳияи Абдураҳмони Ҷомӣ 33-юмин солгарди Истиқлоли давлатии Ҷумҳурии Тоҷикистон
бо иштироки васеи аҳли ҷамоатчигии ноҳия, намояндаи доимии Ҳукумати Ҷумҳурии Тоҷикистон Мирзозода Низом Юсуфӣ, раиси ноҳияи Абдураҳмони Ҷомӣ Раҳимзода Сафармаҳмад Абдураҳмон,
намояндаи мақомоти иҷроияи ҳокимияти давлатии вилояти Хатлон Файзализода Сайдалӣ, роҳбарони мақомотҳои ҳифзи ҳуқуқ, ташкилоту муассисаҳо, идораву корхонаҳо ва сокинон таҷлил карда шуд.
Раиси ноҳия Раҳимзода Сафармаҳмад Абдураҳмон зимни баромадаш мардуми ноҳияро самимона табрику таҳният намуда, зикр дошт, ки маҳз ба даст овардани Истиқлоли давлатӣ ба ташаккули давлати тозабунёди Тоҷикистон ва дар роҳи расидан ба ҳадафҳои олии давлатдории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон
заминаҳои боэътимод гузошт. Бо дарназардошти ин тамоми корҳои азиму назаррасе, ки то имрӯз дар Ватани маҳбубамон амалӣ гардиданд, бо маҳфуми арзишманди Истиқлоли давлатӣ иртиботи қавӣ доранд.
Дар идома ҳунармандони бахши фарҳанг баҳри болидагии руҳияи сокинони ноҳия бо барномаи консерте таҳти унвони “Шукуҳи Истиқлол” хело ҳам ҷолиб омода намудаи хеш, табъи ҳозиринро болида гардониданд.
