СОКИНОНИ ХУРОСОН: МОРО АҚАЛЛАН МАЪНАВАН ДАСТГИРӢ НАМОЕД
24.07.2020

СОКИНОНИ ХУРОСОН: МОРО АҚАЛЛАН МАЪНАВАН ДАСТГИРӢ НАМОЕД

 

Муроҷиатнома ба раиси Иттифоқи журналистони Тоҷикистон ва рӯзноманигор Раҷаби Мирзо аз номи сокинони аз офати табиӣ зарардидаи ноҳияи Хуросон

Мо — сокинони аз офати табиӣ зарардидаи ноҳияи Хуросон ба раиси Иттифоқи журналистони Тоҷикистон ва рӯзноманигор Раҷаби Мирзо муроҷиат карда, гуфтанием, ки аз расонаӣ ва халалдор кардани ҳаёти осудаи мо даст бардоред ва ба ҳангомае, ки гӯё Ҳукумати Тоҷикистон моро дастгирӣ ва нисбати мо ғамхорӣ намекунад, хотима диҳед.

Албатта, чунин ҳодисаи ногаҳонии табиӣ ба руҳу равони сокинони мавзеи аз офати табиӣ зарардида таъсир расонид. Мардум ба кумаки моддиву маънавӣ ниёз доштанд. Бо супориши Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ситоди фаврӣ ташкил карда шуда, сокинони мавзеи офатзада сари вақт бо хаймаҳои муваққатӣ, ғизо ва таҷҳизоти муҳими рӯзгузаронӣ таъмин карда шуданд. Қитъаҳои замин барои бунёди манзили зист ҷудо гардида, масолеҳи сохтмонӣ пурра дастрас карда шуда, корҳои бунёдсозӣ ҷараён дорад.

Дар радифи дастгириҳои роҳбарияти давлат дастгириву саховатмандии шахсони миллатдӯст низ ба мушоҳида расид, ки изҳори сипос ва миннатдорӣ мекунем. Вале рафтори баъзе аз хабарнигорон боиси нигаронии мо — сокинони ноҳия гардидааст. Хабарнигори ҳафтаномаи «Азия Плюс» Абдудуллоҳи Ғурбатӣ (Ғурбатов Авазмад) бархилофи хоҳиши мо — сокинони аз офати табиӣ зарардида, ба дахлнопазирии хаймаҳои зисти муваққатиамон эътибор надода, хост вориди хайма гардида, ҳамсару духтарон ва фарзандони ноболиғамонро, ки онҷо қарор доштанд, ба навор гирад. Номбурда бо ин рафтораш шаъну шарафи занону кӯдакони моро паст зада, мехост моро ҳақиру нотавон муаррифӣ кунад. Ӯро касе латукӯб накардааст. Занону духтарони баномус ӯро аз назди хаймаҳо ронданд.

Муҳтарам раиси Иттифоқи журналистони Тоҷикистон ва рӯзноманигор Раҷаби Мирзо, барои чӣ шумо як рӯзноманигореро, ки оромии зиндагии моро халалдор менамояд, ҳимоя карда, мо мардуми одӣ, деҳқон, камбизоат, азиякашидаву зарардидаро одам ҳисоб намекунед? Чун соҳиби калом ҳастед, моро ақаллан маънаван дастгирӣ карда, руҳбаланд намоед, ҳамин барои мо кифоя аст.

Мо — сокинони аз офати табиӣ зарардидаи ноҳияи Хуросон бо итминони комил гуфта метавонем, ки агар як нафар аз мо бо даъвою ҳаракатҳои ғайриқонунии хабарнигори «Азия Плюс» аз тарафи мақомоти ҳифзи ҳуқуқ ба ҷавобгарӣ кашида шавад, мо дастаҷамъона рафта дар бари ӯ меистем ва бо истифода аз ҳуқуқҳои конститутсионии худ ба тамоми мақомоти дахлдор муроҷиат карда, намегузорем ӯ беҷазо монад. Ба шахсони ҳимоятгари Абдуллоҳи Ғурбатӣ муроҷиат карда мегӯем, ки дар ҳолати ҳуқуқу манфиатҳои моро нодида гирифтан, аз болои шумо ба додгоҳ шикоят мекунем.

Аз номи сокинони аз офати табиӣ зарардидаи ноҳияи Хуросон, Амиров Саидаҳмад, Сафоев Фирӯз, Қараев Шермуҳаммад, Олимова Фирӯза, Табаралиева Зебо, Бобоева Зулайхо, Пиров Маҳмадраҳим ва дигарон

https://faraj.tj/wp-content/uploads/2020/06/3456768900843-237x300.jpg

 

 

Коментария


Ном:

Почтаи электрони:

Коментария:

Хабарҳо
ФИЛМИ ҲУҶҶАТИИ -ХИЁНАТ- ҚИСМИ 5 ТОҶИКФИЛМ ТАҚДИМ МЕКУНАД ФИЛМИ ҲУҶҶАТИИ "ХИЁНАТ". ҚИСМИ 5.   Дар филми мустанади «Хиёнат» қисми 5 кирдорҳои нобахшидании сарвар ва аъзои фаъоли таш...

2020-09-23
Коронавирус хатар ё Кабирӣ? Ман як тоҷики мусофир, дур аз ватанам. Умедворам, ки ин номаи маро бетаҳрир чоп мекунед. Агар чоп накунед, шумо ҳам мисли Кабирӣ хиёнаткоред. Имшаб  филми Хиёнат...

2020-09-18
ФИЛМИ "ХИЁНАТ" ҚИСМИ 4 https://www.youtube.com/watch?v=lSy-ckWARus  Дар филми мустанади «Хиёнат» кирдорҳои нобахшидании сарвар ва аъзои фаъоли ташкилоти террористӣ-экстремистии собиқ Ҳизби наҳз...

2020-09-18
Аъзои ташкилоти ҷамъиятии «Маркази маънавиёт ва маърифати ӯзбекон»-и вилояти Суғд номзадии Пешвои миллат Эмомалӣ Раҳмонро ба мансаби Президенти ҶТ дастгирӣ намуданд ДУШАНБЕ, 17.09.2020 /АМИТ «Ховар»/. 17 сентябр дар толори китобхонаи ба номи «Тошхӯҷа Асирӣ»-и шаҳри Хуҷанд аъзои ташкилоти ҷамъиятии «Маркази маънавиёт...

2020-09-17
Дар бораи сайт
МАЪЛУМОТИ мухтасар дар бораи ноҳияи Абдураҳмони Ҷомӣ (ба 01.06.2014 сол)        Ноҳияи Абдураҳмони Ҷомӣ яке аз ноҳияҳои шимолии вилояти Хатлони Ҷумҳурии Тоҷикистон ба ҳисоб  рафта, 29 августи соли 1930 ташкил ёфтааст. Он ба ноҳияҳои Ёвон, Хуросон, Бохтар ва  шаҳри Сарбанд ҳамсарҳад аст. Марказаш шаҳраки Абдураҳмони Ҷомӣ мебошад. Масоҳати ...
Муфассал
Пурсиш
Ба Шумо нохияи А.Чоми писанд омад?
Ха
Не
Наонкадар
Бисёр хам
РРОО
РЕЗУЛТАТЫ
Ташрифовардагон
0 8 4 1 8 1
Имруз 110 Хамин ҳафта 167 Ҳамин моҳ 335 Ҳамаги 84181